Wq/tn/Farida Waziri

Farida Mzamber Waziri (o tshotswe ka kgwedi ya Phukwi e tlhola malatso a supa, ngwaga wa sekete ,makgolo a robabongwe,masome a mane le metso e robabongwe (1949) ke technocrat wa kwa Nigeria, motlhankedi wa tiragatso ya molao le modulasetulo wa pele wa [./Https://en.wikiquote.org/w/index.php%3Ftitle=Nigerian_Economic_and_Financial_Crimes_Commission_(EFCC)&action=edit&redlink=1 Khomišene ya Bosenyi ya itsholelo le ya madi ya Nigeria (]EFCC). O ne a tlhatlhama Nuhu Ribadu mo maemong a.

Ngwaga wa dikete tse pedi,lesome le metso e Merataro (2016)

• " Ka dinako tse dingwe ke nna fa fatshe ke ipotsa gore batho ba ba bosula ba Nigeria ba akanya eng. Mongwe o nna le maemo a a kwa godimo mme a bo a akanya gore o tlhoka ntlo e kgolo kwa United States mme go tswa foo a bo a ya go reka ntlo ya segosi. O ne a boa mme a batla ntlo kwa Yuropa. O fofela kwa UK go ya go reka e nngwe mme a bo a akanya ka UAE, o fofela kwa Dubai a bo a reka e nngwe mme ga a kgotsofale. Go tswa foo o ya kwa Afrika Borwa ka sefofane go ya go reka e nngwe. Ke ne ka ya kwa Pretoria mme ka isiwa kwa mmileng o o neng o tlogetswe ke Ba-De Boers, balemirui ba basweu ba ba neng ba tlogetse Afrika Borwa mme ka bontshiwa matlo a a neng a le a Ba-Nigeria. Mo go nna di ne di lebega jaaka dikereke tse dikgolo. Di ne di lebega jaaka matlo a a tletseng ka badimo mme fa batho bano ba ba tswang kwa Nigeria ba ya kwa Afrika Borwa, ba ne ba sa kgone go nna koo ka jalo ba ne ba ya go nna kwa dihoteleng. Ka jalo, mokgele wa rona ke eng? Ba akanya eng? Mme ke gone ka moo ke ileng ka re pele ga puso e thapa mongwe le mongwe mo maemong a taolo, a ba tlhatlhobiwe ke dingaka. Ba tlhoka go tlhatlhobiwa ke ngaka ya tlhaloganyo. "
  • [1]
  • Go ikuela mo Pusong ya Federal go tlhomamisa gore boradipolotiki botlhe ba tlhatlhobiwa mo go tsa tlhaloganyo pele ga ba tsena mo tirong epe fela.
• " Puso e le nosi e ka se kgone go lwantsha bobodu, ka jalo, batho botlhe go sa kgathalesege maemo a bone ba tshwanetse go tlaleletsa maiteko a ga jaana a puso ya bosetšhaba e e eteletsweng pele ke Moporesidente Muhammadu Buhari go samagana le matshosetsi a a mo nageng. "
  • [2]
  • Ke pitso e e utlwalang sentle go ma-Nigeria go dirisana le puso ya bosetšhaba mo tirong e e tsweletseng ya go lwantsha bobodu mo nageng.
• " Tlolomolao ke leroborobo le le tseneletseng mo setšhabeng mme batho ba naga ba tshwanetse go tshegetsa Tautona Muhammadu Buhari yo o eteletseng puso ya bosetšhaba pele go samagana le matshosetsi ano gangwe fela. "
  • [3]
  • A re bonweenwee bo tseneletse thata mo setšhabeng sa Nigeria.

Ngwaga wa dikete tse pedi,lesome le metso e Supa (2017)

• " Fa ke bona Tautona Jonathan gompieno, ke tla khubama ka mangole go mo leboga ka tlotlo e a e mpontshitseng ka go nkgolola mo maemong a go nna Modulasetilo wa EFCC ka nako eo."
  • [4]
  • Ditlamorago tsa go lelekwa ga gagwe jaaka Modulasetilo wa EFCC.

Ngwaga wa dikete tse pedi,lesome le metso e robabobedi (2018)

• "Ka mapodise ke ne ka kgona go bona batho ka tsela e tota ba leng ka yone. "
• https://www.sunnewsonline.com/police-taught-me-to-understand-human-nature-farida-waziri-ex-efcc-chairman/] The motivation and attraction to joining the Force.
• " Fa o tshwanetse go dira se se siameng, o tla lebana le mathata a le mantsi mo nageng eno. Batho ga ba batle gore o dire se se siameng.
  • [5]
  • Ka dinako tse dingwe botshelo jwa gagwe bo ne bo le mo kotsing fa a ntse a dira tiro ya gagwe.
• " Eno ke nako ya gore moeteledipele mongwe le mongwe wa sepolotiki yo o ratang naga ya gaabo, segolobogolo ba ba eletsang go nna le maemo a a kwa godimo le ba ba tla bong ba tsamaya ba rotloetsa batho, ba tile puo ya letlhoo e e ka tlhotlheletsang balatedi le batshegetsi ba bone gore ba dire thubakanyo. "
  • [6]
  • Go tlhagisa boradipolotiki ka puo ya kilo le thubakanyo.
• " Molato wa bosheng jaana wa dipolao mo dikarolong dingwe tsa naga o a fokotsega jaanong, baeteledipele ba rona ba sepolotiki ba kolota batho go boloka kagiso gore re se ka ra bona tshololo ya madi e e amanang le ditlhopho, e e ka nnang le ditlamorago tse di maswe mo tlhabololong ya loago-ikonomi le sepolotiki ya naga, "
  • [7]
  • Go netefatsa gore Nigeria e tlhoka kagiso le kutlwano go nna le ditlhopho tse di atlegileng tsa ngwaga wa dikete tse pedi, lesome le metso e robabongwe (2019).

Ngwaga wa dikete tse pedi le masome a mabedi (2020)

• "Le fa basadi ba bontshitse gore ba kgona go ikemela le gore ba dira ka natla, tsamaiso ya sepolotiki ga e ba kgothatse go le kalo. "
  • [8]
  • Ka basadi mo dipolotiking.
• Dipolotiki kwa Nigeria di tlhwatlhwa e e kwa godimo mme basadi ba le bantsi ga ba kgone go gaisana le banna. Le fa go ntse jalo, ke akanya gore go na le dilo di le dintsi tse di tshwanetseng go dirwa ke basadi ka bobone gore ba itshupe mme ga ba a tshwanela go nna fela ba re ka gonne e le basadi ba batla seno kana ba batla Beijing Declaration. Ba tshwanetse go dira ka natla gore ba tle ba itsiwe mo dipolotiking. "
  • [9]
  • O ne a bua ka seemo sa dipolotiki sa kwa Nigeria.
• " Ga go na sepe se se tshwanang le tekatekano, ga go na ope yo o lekanang mme basadi ba Nigeria ga ba gaisane le banna ba Nigeria ka gore ba teng go ba tshegetsa. "
  • [10]
    • Ka basadi ba ba lwelang gore ba nne le ditshwanelo tse di lekanang.

Dikinolo ka ga Farida Waziri

• " Mm. Waziri o dirile gotlhe mo a ka go kgonang mo go lwantsheng bobodu, a dira gore a atlholwe mme ke ditlogolwana fela tse di ka atlholang le go sekaseka diphitlhelelo tsa gagwe jaaka modulasetilo wa EFCC. "
  • [11]
  • Mokhomishenara wa maloba wa Sepodisi sa Naga ya Lagos, Alhaji Abubakar Tsav, ka ga tiro ya ga Farida Waziri jaaka EFCC.